ʻŌhelo Beauty
by Frank Kawaikapuokalani Hewett
Nani wale nō ʻoe, e ka pua ʻōhelo
Kāhiko lei ʻula o ka wahine Pele
Hiehie wale ʻoe me ka lehua
Hōpoe i ka uka hāʻenaʻena ē
ʻO ke ʻala kūpaoa honihoni i ka ihu
Moaniani maila i kuʻu poli
Halihali ʻia mai e ka Puʻulena
Polinahe ana mai hoʻolaʻilaʻi
E ka ʻōhelo beauty, e kuʻu ipo hoʻoheno
Pili ʻia maila me ke aloha
E kuʻu lei nani i poina ʻole ʻia
Hiʻiakaikapoli a mau loa ē